Deu 6:14-21 | SwhNEN | STEP | Usifuate miungu mingine, miungu ya mataifa yanayokuzunguka;

Deuteronomy 6:14-21

14 Usifuate miungu mingine, miungu ya mataifa yanayokuzunguka; 15 ^akwa kuwa Bwana Mungu wako, ambaye yuko katikati yako, ni Mungu mwenye wivu na hasira yake itawaka dhidi yako, naye atakuangamiza kutoka uso wa nchi. 16 ^bUsimjaribu Bwana Mungu wako kama ulivyofanya huko Masa. 17 ^cUtayashika maagizo ya Bwana Mungu wako kwa bidii, na masharti na amri alizokupa. 18 ^dFanya lililo haki na jema mbele za Bwana, ili upate kufanikiwa, uweze kuingia na kuimiliki nchi nzuri ambayo Bwana aliahidi kwa kiapo kwa baba zako, 19 ^ekuwafukuza kwa nguvu adui zako mbele yako kama Bwana alivyosema.

20 ^fSiku zijazo, mtoto wako atakapokuuliza, “Ni nini maana ya masharti haya, amri na sheria hizi ambazo Bwana Mungu wako alikuagiza wewe?” 21 ^gMwambie: “Tulikuwa watumwa wa Farao huko Misri, lakini Bwana alitutoa sisi kutoka Misri kwa mkono wenye nguvu.